Transcription
1
Monsieur, ayant receu quelque advis de Rome des armées de Levant, je vous
2
en ay bien volu fère part avec ces deux lignes et vous envoyer la coppie desdits advis par
3
où vous pourrez veoir les desseings desdites armées et le chemin qu’elles prennent ; et juger
4
par là si nous sommes en ce royaulme hors du doubte qu’on avoit de ce cousté là. Qui sera
5
le seul argument de ceste lettre, sinon que je l’accompaigneray de quelques melons et
6
pruneaulx, des meilleurs que lon ayt peu trouver icy où nous navons dautre fruict
7
que de cestuy là, le quel je vous prieray recevoir daussi bon cueur que je vous en
8
fais participant et que je désire entendre de vos nouvelles, estat et santé par le
9
retour de ce porteur que je vous envoye exprès. Et sur ce, après m’estre affectueusement
10
recommandé à vostre bonne grace, je prieray Dieu vous donner
11
Monsieur, en bonne santé, heureuse et longue vie. D’Avignon, ce XXXe de juillet
12
1572
13
Vostre bon et affectioné cousin
14
à vous honorer et servir G. card.
15
D’armaignac
16
Monsieur, je ne vous veus celler la libéralité que le pape a usée
17
à monsieur de La Valete en faveur de monseigneur le cardinal de
18
Lorraine qui est la despeche gratis denne abbadie que
19
le roy avoit donnée audit sieur de La Valete, nommé
20
Verdonnes de lordre St Bernard par le rapport qui
21
feust faict à sa Sainteté que ledit sieur de La Valete estoit
22
chevalier dhoneur et fort bon catholicque.